A la rescuverta da la simplicitad    

L’istorgia dal Grotto Bundi è quasi tschientenara. En in dals lieus ils pli autentics dal Tessin ha fundà in tschert Abbondio Calderari avant passa 80 onns l’oriund Grotto, ch’el ha numnà tenor la varianta dialectala da ses prenum “Bundi”. Sco quella giada retschaiva il Grotto Bundi enfin oz ses giasts en in conturn da natira intacta al pè dal Monte Generoso.

L'autenticitad e la tradiziun s'uneschan ad in'atmosfera cordiala e famigliara. Qua creeschan Sandrine e Stefano Romelli dapi il 1993, pia dapi prest in quart tschientaner, spaisas deliziusas servidas cun pasión. Igl è in viadi a la rescuverta dals gusts da pli baud, nua che la pulenta cotga sin il fieu avert vegn proposta en nundumbraivlas variantas en cumbinaziun cun selvaschina, charn e bulieus. Betg da manchentar è la visita dals tschalers da vin dal Grotto che reuneschan autentics stgazis da la regiun che sa cunfan excellentamain cun las tratgas servidas.

Il certificat per excellenza resguarda blers facturs sco la qualitad, la quantitad e l'actualitad da las valitaziuns dals viagiaturs entaifer dudesch mais.

Per sa qualifitgar sto il manaschi survegnir ina valitaziun totala stabila dad almain quatter da tschintg puncts, avair in dumber minimal da valitaziuns ed esser registrà dapi almain in onn sin la pagina-web.