Recept per la pulenta

(calcular per mintga persuna 120g farina ed in mez liter aua)

Ingredienzas: 240g farina per mintga liter aua (per ina pulenta betg memia spessa), 200g farina per mintga liter aua (per ina pulenta fitg miaivla). Salar sco la pasta.

Procedura: Metter sin platta ina padella cun in funs gross e viertgel. Salar l’aua, pigliar ella giu dal fieu cur ch’ella cumenza a buglir e metter en la farina duvrond il scuet per ch’i na dettia betg gnocs. Metter puspè la padella sin il fieu grond per che la pulenta cumenzia puspè a buglir. Cur ch’il buglir chala e ch’i appareschan pitschens «vulcans da vapur», cuvernar la padella cun il viertgel e laschar coier a fieu bass per almain 45 fin 60 minutas. Ins po er coier la pulenta pli ditg: pli ditg ch’ella coia e pli ch’ella daventa buna e digeribla. Sche la pulenta daventa memia dira pon ins agiunscher aua buglienta.

.